Juleferien er overstått, og eg vart brutalt kasta inn i eit nytt tiår, som sikkert vil vere det mest avgjerande i mitt liv.
Det er litt skummelt å tenkje på.
2009 er det året eg vart vaksen, på alle måtar. Eg har lært utruleg mykje av mitt opphald i sør, og av å kome heim og sjå korleis folk har endra seg - og ikkje endra seg.
2009 oppsummert i høgdepunkt:
*Nyttårsafta i Lisboa
*Karneval i Sesimbra
*besøk i Portugal i løpet av våren
*Strand, sol og saltvatn
*Sterke venskapsband
*AFS-leirar
*Porto-tur til Hanna
*Heimturen
*Å kome heim til Sauda i full somar
*SU-leir på Risøya
*Byrje på norsk skule att
*Gå på norsk skule
*Norsk mat
*Flotte menneske
*Min søsters flotte bryllaup
*Kanotur med klassen
*Tur til Trondheim i haustferien
*Russekro
*Oppstart av Indre Ryfylke Sosialistisk Ungdom
*Klimamarsj i København
*Adventstid
*Jul slik ho skal vere!
Alt i alt er eg svært nøgd!
Det har sannsynlegvis vore det vanskelegaste året for meg kjenslemessig, men ein får ta det gode med det vonde, og få det beste ut av alt. Det er tross alt dei gode tinga ein hugsar på.
2010 vil vere eit skjebnesvangert år.
-Eg vil få lappen (med mindre eg vert så nervevrak at eg ikkje greier å bestå nokon gong..)
-Eg skal vere russ!
-Eg skal avslutte 13 års skulegang
-Eg skal flytte frå Sauda.
Det er både godt og vondt å tenkje på.
Mykje vondt, men likevel spanande i tillegg.
Men pytt, den tid, den sorg. Fram til eksamen skal eg berre jobbe med skulearbeid, og sikte mot toppkarakter i alle fag (me får sjå korleis det går til slutt). Ellers skal eg byrje å trene att, og få att litt av den gamle formen frå storhetstida mi. Stram og fin til somaren.
Kan elles rapportere om at no er det over to veker sidan kvikksølvet krøyp opp over 0-punktet på termometeret. Det er litt ekstremt, sjølv til Noreg å vere. Mao, nett slik dei nede i sør trur det er året rundt her.
Isbjørnar i gatene og midnattssol.
Men eg skal samle krefter til biologitentamen i morgon, deretter songtime, jobb til halv 8, og så heim for å lese til engelsktentamen på torsdag. Skulearbeid, eg har sakna deg.
GODT NYTT ÅR!
