Eg vil vere 16 år for alltid, og no nærmar eg meg styggeleg 20 og det seriøse liv. Ungdomsskulen var ein av dei beste periodane i mitt liv, med berre fjasing og tøysing med Linda, muntre stundar med lite arbeid, og likevel karakterar øvst på skalaen. Makan.
"Alt var mykje betre før" burde vere slagordet mitt. Sjølv om det eigentleg ikkje alltid er sant.
Tida er det som tek vekk det gode frå meg. Eg vil ikkje ha gode minner, eg vil vere i dei gode minnene og vere lukkeleg!
Eg skal finne opp ei tidsmaskin og stanse tida medan eg enno er ung og har energi og livsmot til å gjere alt og prøve alt.
Ting eg gjerne skulle ha gjort om:
*Ungdomsskulen i lag med Linda
*Første klasse VGS
*Sumaren '06
*første halvår i Portugal
*Russefeiring
Eg er ikkje klår for å slutte på skulen endå. Tenk, den har vore det viktigaste i livet mitt sidan eg var 6 år gamal. No er det tre små veker att, og så er det slutt. Ikkje fleire keisame timar, ikkje fleire morosame lærarar, ikkje dei same folka kvar morgon. Trur skulen er det mest sosiale eg noko gong kjem til å oppleve.
Kvifor er livet lagt an slik? Me startar med det beste og så går det nedover. Det burde ikkje vere slik. Tenk, slutte med familie og ungar og eige hus.... æsj. (=
Kanskje eg burde følgje Ingrid sitt råd om å farge håret svart for å matche emoen inni meg.
haha:)
Eg er tross alt kreps. Månen gjer meg emosjonell.
Men, fokus på positive ting framover:
*ferdig med eksamen -skal bli aldeles herleg å sleppe å tenkje på skulearbeid
*Avslutningsfest - god stund saman med gode menneske (sjølv om det nok ver litt grining óg)
*Ferie! -kos, sol, grilling, venner, bading, fotball
*Estland!:D
*Besøke Hanna! -tenk, det er nesten eit heilt år sidan eg såg henne sist! Sjukt!
*Reise frå Sauda - Sjølv om eg er så glad i denne vesle vestlandsbygda, skal det verte godt å få strekt vengene og sjå noko nytt. Nye stadar, nye folk, nye opplevingar!:)
Det som er spanande er kor eg endar opp henne. Det er ein ganske sjuk tanke, men eg har ikkje aning på kor eg er om fire månadar. Eg likar det eigentleg:) Spenning.
Kven veit? Italia, Costa Rica, Fiji...
Oppmuntrande tankar:)
Verkar opplivande å tenkje på:) Vandre rundt i vasskanten og høyre papegøyeskrik...
Forresten, eg har funne ut at eg har nokre nydelege vener=)
