Nattetankar

I hold it true, whate'er befall;
I feel it, when I sorrow most;
'Tis better to have loved and lost
Than never to have loved at all.

-Alfred Tennyson







Sentimental augneblink. Skuldas gjerne for lite søvn etter ei fuktig natt, der eg kom heim kl 5 om morgonen etter å ha gått barbeint gjennom skogen frå sentrum. Det var 18årsfest hos Gunnbjørg, cowboyparty. Ganske vellukka opplegg om eg må seie det sjølv.
Men etter ein dag nesten utan å ete (grunna for mykje mat på hyttetur dagen før), har alkohol kraftig verknad.

Øl er ikkje så godt for vettet som folk seier det er. Dess meir du drikk, dess mindre vett i skolten.
Håvamål

Så sant, så sant.


Men det nyttar ikkje å surmule over feilgrep. Det er berre å ta seg saman og unngå å gjere det same til neste gong.

Strengt teke burde eg ikkje sitje her på denne tida av døgner heller. Stygge portugisiske vanar.
I morgon må eg stå opp tidleg (på den einaste fridagen eg har hatt heime i Noreg denne ferien) for å ta blodprøve.
Og for å leite etter ungdomskortet mitt.
Det må finnast, for på tirsdag reisar eg på ungdomsleir med SU på Risøya på Sørlandet. Kanskje eg vert politisk engasjert?:)

Og i morgon kjem kanskje Kristian, min kjære kompis frå klasseturen til Polen i 10. klasse.
3 år er det sidan eg sist høyrde den herlege Vennesla-dialekta. Vert kos! Tommel opp.

No må eg prøve å ta igjen litt av den tapte nattesøvnen min. Eit enno ikkje vellukka prosjekt som eg har dreve med i eit halvt år.
Men eg gir ikkje opp håpet. Det gjeld å tenkje positivt;)